TV Program

അറിയപ്പെടാത്ത കുരിശറിവുകള്‍

കര്‍ത്താവായ യേശുവിന്റെയും ശിഷ്യന്മാരുടെയും പെസഹാ ആചരണത്തിനുള്ള ഒരുക്കം മുതല്‍ ഉയിര്‍പ്പിന്റെ സുദിനത്തിലെ വിസ്മയിപ്പിക്കുന്ന കാഴ്ചകള്‍ വരെയുള്ള സംഭവ പരമ്പരകളെ വിശുദ്ധ ബൈബിളിന്റെയും മറ്റു ചരിത്ര രേഖകളുടെയും വിവരങ്ങളുടെയും അടിസ്ഥാനത്തില്‍ ആഴത്തില്‍ – അവയുടെ പിന്നാമ്പുറത്തിലേക്ക് കടന്നെത്തി – വിശകലനം ചെയ്യുന്ന ഈ പരമ്പര കുരിശിന്റെ അറിയപ്പെടാതെ പല വഴിത്താരകളിലേക്കും നിങ്ങളെ നയിക്കും..

‘Sathgamaya’ epizodes

കൈരളി പീപ്പിള്‍ ചാനലില്‍ എല്ലാ വെള്ളിയാഴ്ചകളിലും അവതരിപ്പിക്കപ്പെട്ടിരുന്ന ടെലി ടോക് ഷോ “സത്ഗമയ” നൂറിലേറെ എപ്പിസോഡുകള്‍ സംപ്രേഷണം ചെയ്തു. 2005 ല്‍ ആരംഭിച്ച സത്ഗമയ നിരവധി പ്രമുഖരായ വ്യക്തികള്‍ക്ക് ആതിഥ്യമരുളി. ചിന്തകന്മാര്‍, സാഹിത്യകാരന്മാര്‍ , കലാകാരന്മാര്‍ , ആത്മീയ ശുശ്രൂഷകര്‍ എന്നിങ്ങനെ നിരവധി മേഖലകളില്‍ നിന്നും ഉള്ളവരെ അണിനിരത്തിക്കൊണ്ട്‌ അറിവും ചിന്തയും അന്വേഷണവും കോര്‍ത്തിണക്കിയ സത്ഗമയ നിരവധി കുടുംബ സദസുകളില്‍ സത്യത്തിന്റെ തിരിനാളം തെളിച്ചു. സത്ഗമയയില്‍ നിന്നും തിരഞ്ഞെടുക്കപ്പെട്ട ഏതാനും എപ്പിസോഡുകള്‍ ഇവിടെ.